Ohin loron segunda-feira 02 fulan Dezembru tinan 2024, Funsionáriu Instituto Nacional de Farmácia e Produtos Médicos (FPM) realiza Serimónia Isár Bendeira Nasional iha Semana Dahuluk nian ba fulan ida ne’e nian.

Diretor Ezekutivu FPM dr. Brígido Simão Dias de Deus, SpS. Lidera Serimónia Isár Bandeira Refere hodi sai nudar Inspetur Serimónia. Iha nia Intervensaun Diretor Ezekutivu hateten Isar Bandera ne’e hanesna ikus ba tinan ida ne’e nian, ita hala’o ona servisu lubuk ida hodi ajuda ona estadu ida ne’e, ita mos ultrapasa ona difikuldade ka dezafiu lubuk ida no mos balun ita seidauk ultrapasa maibe ne’e normal iha servisu fatin nebe deit, ezekusaun orsamentu ita to’o ona 84%. Tan ne’e husu ba Diretor no xefia sira hamutuk ho funsionáriu sira hotu atu esforsu nafatin hare fila fali servisu sira nebe mak seiduak realizsa. Husu atu nafatin disiplina, servisu ho profesional, kumpri tuir regras nebe mak aplika iha instituisaun.

Diretor Ezekutivu hatutan tan katak iha fulan ida ne’e ita sei iha aktividade rua nebe ita sei hala’o mak hanesan: Destroisaun ba Aimoruk expira sira no Avaliasaun Anual nian iha ne’ebe sei realiza iha Maubisse maibe sei iha faze kordenasaun.

Diretor Ezekutivu husu ba Presidente komisaun ba Destroisaun ai-moruk expira atu hato’o ona karta ba sua Exelencia Ministra da Saúde atu husu autorizasaun atu nune’e ita bele halo ona Destroisaun, ita mos hetan ona rai pedasuk iha Metinaro hodi halo Prosesu Destroisaun refere, depois tinan oin mak  ita hanoin atu halo fali buat balun iha  ne’eba.

Diretor Ezekutivu hateten katak ita nia orsamentu tinan ne’e la diferente do’ok husi orsamentu tinan oin nian ne’ebe servisu hanesan tinan ne’e nian, husu ba ita hotu nafatin mantein profesionalismu nafatin atu servisu diak liu tan iha tinan oin.

Aktividade Isár Bandeira refere realiza iha resintu FPM Rua Mesquita Annur, Kampo Alor, Dili, Timor-Leste, no partisipa massimu husi Kargu Diresaun, Xefia no Seksaun sira, hamutuk ho Funsionáriu hotu, servisu limpeza, Seguransa Sivil, no Voluntariu sira hotu.

Serimónia ba Isár Bandeira Nasional ba Fulan ida ne’e responsabiliza husi Diresaun Administrasaun Planeamento Financas e Rekursus Humano no Koru FPM nian.