Sabado, 21/12/2024, Instituto Nacional de Farmácia e Produtos
Médicos (FPM) hala’o Avaliasaun Annual ba tinan 2024 nian nebe realiza iha Salaun
Parokial Maubisse. Enkontru Avaliasaun refere lidera direta husi Sr. Diretor
Ezekutivu FPM dr. Brigido Simão Dias de Deus, SpS.
Durante Enkontru Avaliasaun Kada Diresaun aprezenta ida-idak
nia relatoriu ba progresu servisu durante tinan ida nian, alem ida ne’e
aprezenta mos dezafiu sira nebe mak durante ne’e infrenta iha kada diresaun. Diresaun
sira nebe mak halo aprezentasaun mak hanesan Diresaun Administrasaun
Planeamentu Finansas Rekursu Humanu (DAPFRH), Diresaun Aprovisionamentu no
Kontratasaun (DAC), Diresaun Kompras (DC), Diresaun Armazenamentu (DA),
Diresaun Distribuisaun (DD) Gabinete Garantia Kontrolu Kualidade (GGCQ) no mos Diresaun
Novos Projetos (DNP).
Aprezentasaun sira husi Kada Diresaun foku liu-liu ba iha
progresu servisu sir aka susesu nebe atinji ona, servisu balun nebe sei iha
prosesu laran no balun nebe mak seidauk atinji, inklui mos ho problema no difikuldade
nebe mak durante ne’e kada diresaun enfrenta. Iha mos segment Diskusaun iha
kada aprezentasaun, atu nune’e bele fo mos ideia no sujestaun husi funsionariu
sira.
Hafoin remata enkontru avaliasaun annual, Tuir kedas ho aktividade refleksaun spiritual
nebe preside husi Amo Paroko Parokia Maubise Pe. João Soares no kontinua ho
Konfesaun.
Aktividade Loron tuir mai iha Domingo 22 Dezembru 2024, FPM
partisipa iha missa Domingo nian hamutuk ho Komunidade no Sarani sira iha
Parokia Maubisse. FPM mak responsavel ba liturjia nian hanesan Korru no
Leitores iha Parokia Maubisse.
Amo Paroku Maubisse Apresia no agrasdese ba FPM tanba bele
organiza partisipa no mos sai responsavel ba iha Liturjia Domingo Adventu
dahaat nian.
Aktividade iha Maubisse durante loron rua refere hetan
partisipasaun massimu husi Kargu Diresaun no Xefia sira inklui ofisiais no
funsionariu sira. Aktividade lao ho diak no susesu.
