Responsabiliza ba Serimónia refere mak husi Gabinete Serviso Apoio Diretor Ezekutivo no Gabinete Garantia Controlo Qualidade.

Diretor Ezekutivo FPM dr. Brígido Simão Dias de Deus, SpS. mak sai hanesan inspektor ba Serimónia Isar Bandeira Nacional refere. Iha nia Intervensaun, Diretor Ezekutivo hato’o nia saudasões no felisitasaun Boas Entradas ba kargo diretores, kargo cefia no funsionario sira hotu, inklui Servisu Seguransa no Servisu Limpeza hotu. Nia mos hateten katak iha tinan 2024 iha buat lubuk ida maka ita konsege atinzi, no buat balun maka ita lakonsege realiza hanesan aktividade Distroisaun ai-moruk expira sira tamba sei hein despaxu ba pedidu autorizasaun husi ita nia nai ulun sira.

Iha tempo hanesan Diretor Ezekutivo apresia ba parte hotu tanba ho esforsu maka’as tan ne’e buat ne’ebe ita hotu hatene maka hanesan iha tinan kotuk publiko questiona makas kona ba stock out ai-moruk maibe ita konsege redus, ne’ebe husu ba hotu hotu atu serviso makas liu tan atu tinan ne’e ita halo diak liu tan.

Serimónia Isar Bandeira ne’e realiza iha resintu FPM nian iha Rua Kampo Alor Dili no hetan partisipasaun massimu husi Diretor Nasionais, kargu xefia, ofisial sira, Voluntariu husi JICA no funsionariu sira hotu nebe mak hakna'ar-An iha Instituto Nacional de Farmácia e Produtos Médicos, Timor-Leste.