Kinta-Feira 20 Fevreiru 2025, Diretor Ezekutivu Instituto Nacional de Farmácia e Produtos Médicos dr. Brígido Simão Dias de Deus, SpS. Hala’o sorumutu ho Secretário Rejional Saúde Oecusse Ambeno Sr. Luis de Jesus Neno, iha Salaun Secretária Rejional Saúde Rejiaun Administrativa Espesial Oe-Cusse Ambenu (RAEOA).

Objektivu husi Sorumutu ne’e mak atu deskute kona ba assuntu kooperasaun servisu entre Instituto Nacional de Farmácia e Produtos Médicos ho Autoriedade Rejiaun Administrativa Espesial Oe-Cusse Ambenu (RAEOA) iha assuntu saude nian espesifiku liu ba fornesimentu Produtos Médicos ba iha Servisu Saúde Rejional Oe-Cusse Ambenu no Hospital Referal Oe-Cusse.

Diretor Ezekutivu FPM hateten importante tebes atu bele renova akordu ho RAEOA nune’e iha baze legal ne’ebe bele reforsa ba servisu kooperasaun entre FPM ho RAEOA. Maske nune’e FPM nafatin disponivel no komimentu atu fo atendimentu fornesimentu produtos medicos inklui Oxijenio  ba iha Servisu Saude Rejional Oecusse Ambeno no mos Hospital referral Oecusse.

Partisipa mos iha sorumutu ne’e mak ekipa husi FPM, diretor Adminsitrasaun Planeamentu Finansas Rekursu Humanu sr. José do Carmo Martins, Diretor Ezekutivu Hospital Referal Oeccuse, Diretor Finansas Servisu Saude RAEOA, ekipa husi Secretário Rejional Saude, Servisu Saude RAEOA, Ekipa husi FPM no mos sira seluk tan.