Kuarta Feira, 12 Marsu 2025, Instituto Nacional de Farmácia e Produtos Médicos (FPM) realiza Workshop ida kona ba Validasaun Guiaun Aprovisionamentu ba Kompras Produtos Médikus no lidera husi Diretora Ezekutiva FPM, Sra. Paulina Mendonça Maher, nebe realiza iha salaun Konferensia Hotel Timor, Dili.

Objektivu husi workshop ida ne’e,  mak atu halo validasaun Guia Aprovisionamentu ba kompras Medikamentus, Konsumavies, Reajentes no Produtos Medikus sira seluk tan hodi bele garante ba prosesu aprovisionamentu ida nebe transparansia, efisiensia no sustentabilidade.

Guia ba prosesu kompras produtos medicos nebe efikaz maka nudar pontus importante no fundamental tebes atu garante prosesu aprovisionamentu no desizaun kona ba kompras, nebe lo’os hodi garante disponivilidade aimoruk ho kualidade nebe aas, nune’e hodi suporta Sistema kuidado saude nebe efisiente , transparante no étiku.

Workshop refere realiza involve mos husi stakeholder importante sira hotu husi seitor saude, peritos aprovisionamentu, representante sira husi Ministerio no parte sira nebe relevantes.

Partisipa iha workshop ida ne’e mak hanesan Sekretaria Dahuluk DFAT asuntu Saude no Nutrisaun, Sra. Deidre Ballinger; Diretora Jeral Aprovisionamentu Ministerio das Financas Sra. Evangelinha Aparicio Guteres, Representante Ajensia sira hanesan WHO, UNICEF, UNFPA, USAID, Representante husi HNGV, LNS, DNEM, DNFM, INSP-TL, Fundo Global, Diretor Ezekutivu FPM, kargu diretores no Xefia sira seluk tan no mos Konvidades sira seluk tan nebe mak iha relasaun ho prosesu Guiaun Aprovisionamentu refere.