𝗧𝗲𝗿𝘀𝗮-𝗙𝗲𝗶𝗿𝗮, 8 𝗝𝘂𝗹𝗹𝘂 2025, Diretora Ezekutiva FPM, Sra. Paulina Mendonça Maher, S.E., hamutuk ho dirijentes sira seluk Akompanha ba Vizita Konjunta husi S.E. Embaisador Japaun Sr. KIMURA no S.E. Representante Rezidente PNUD, Sra. Katyna Arguenta, nebe mai hala’o vizita ba iha Projetu Installasaun Enerjia Solar iha Instituto Nacional de Farmácia e Produtos Médicos (FPM), Rua Kampo Alor Dili Timor-Leste.

Objetivu husi Vizita ida ne’e mak atu monitoriza ba progresu installasaun Sistema Enerjia Solar iha FPM, hala’o mos vizita ba Sistema Painél, Fatin estabelese Bateria no mos installasaun Modul Solar nian iha uma armazen leten.

Partisipa mos iha vizita ida ne’e mak Reprezentante husi Ministério da Saúde, Reprezentante EDTL IP., Obras Públiku no mos Minsitério Planeamentu no Investimentu.

Sistema Solar nebe installa iha Armazem Sentral FPM Dili ne’e atu bele garante ba Fornesementu Enerjia Eletrisidade nebe estavel ba Funsionamentu ekipamentus sira iha Armazen liu-liu kona ba Jestaun Korente Malirin no sira seluk tan. Hodi nune’e bele kontribui ba armazenamentu nebe seguru ba produtos Médicos hotu liu-liu vassina sira nebe mak armazena iha temperatura nebe mak Malirn liu.