𝐊𝐮𝐚𝐫𝐭𝐚-𝐅𝐞𝐢𝐫𝐚, 02 𝐎𝐮𝐭𝐮𝐛𝐫𝐮 2025; Instituto Nacional de Farmácia e Produtos Medicos (FPM) hetan vizita supreza ida husi S.E. 2o Vice Primeiro Ministro Timor-Leste, Eng. Mariano Asanami Sabino no akompanhadu husi S.E. Vice Ministro Saude dr. Flavio Brandão, iha Resintu FPM Rua Kampo Alor Dili Timor-Leste.

Objetivu husi Vizita ida ne’e atu hare Direita Servisu FPM nian liu-liu liga ho Stock Aimoruk nian nebe mak durante ne’e publiku sempre kestiona kona ba falta medikamentus iha fasilidade saúde sira. Alem ida ne’e mos atu hare kona ba prazu ka data expira ba medikamentus sira atu nafatin garante ba produtu sira hotu nebe armazena ne’e iha kondisaun no kualidade nebe diak no data expira nebe kleur; hare mos kona ba progresu istallasaun Sistema barcode nebe mak dadaun ne’e iha prosesu instalasaun nian laran iha Armazem Sentral FPM Dili.

Sistema Elektroniku refere iha tempu besik sei utiliza iha Armazem Sentral Dili atu bele kontrola ba produtu medikamentus hotu nebe distribui ba Fasilidade saúde sira. Ho Sistema refere ita mos fasil atu identifika produtu sira hotu nebe mak kompras husi FPM liu husi Orsamentu Jeral Estadu nian no mos bele halo tracking ba produtu medikamentu sira ne'e, wainhira hala'o prosesu Distribuisaun ba iha fasilidade sira.

Iha vizita ne’e simu no akompanha husi Sra. Diretora Ezekutiva FPM, hamutuk ho Kargu Diretores no Xefia sira FPM nian inklui funsionariu sira iha FPM.