Empreza Dragoêsns Tatmaelau Unip, Lda. hala’o termu entrega konstrusaun Armazem Produtos Medicos
11/12/2025 | HugoIha Kuarta-Feira, 10 Dezembru 2025, Empreza Dragoêsns Tatmaelau Unip, Lda. Nudar kontraktor ba projetu Konstrusaun Armazem Produtos Medicos nian iha Ermera hala’o termu entrega konstrusaun refere ba iha Instituto Nacional de Farmácia e Produtos Médicos (FPM), ho Divizaun Fundu Global no kontinua entrega ba iha Autoridade Servisu Munisipal de Saúde Ermera.
Konstrusaun Armazem iha Ermera ne’e apoiu finanseiru husi Divizaun Fundu Global ho total orsamentu $ 72,138.80 dolares Amerikanu. Parte FPM prepara dezenu no BoQ no hala’o nia prosesu Aprovisionamentu tomak to’o finaliza. Konstrusaun Armazem refere hala’o husi kompanhia Dragoêsns Tatmaelau Unip, Lda. No lokaliza iha suku Riheu postu Administrativu Ermera Munisipiu Ermera.
Prosesu Termu Entrega refere hala’o ho Assina Akta termu entrega husi Diretor Kompanhia Dragoêsns Tatmaelau Unip, Lda. Sr. Elvis Vitorino Barros dos Santos, entrega ba Diretor Servisu Munisipal Saúde Ermera Sr. Antonio de Deus Fatima, no akompanha nudar testamunha husi Diretora Ezekutiva FPM Sra. Paulina Mendonça Maher, S.E. no Administradora Fundo Global Sra. Madalena Hanjam.
Serimonia Termu Entrega ne’e hala’o iha Armazem Ermera nian no hetan partisipa mos husi Kargu Diretor no Xefia sira husi FPM, SMS Ermera, Ekipa Husi Fundu Global, Ekipa tekniku no enjineiru husi parte kompanhia no FPM nian.