Insituto Nacional de Farmácia e Produtos Médicos (FPM) hala’o abertura estájiu institusional ba Estudante Instituto Ciências da Saúde (ICS), Departamentu Farmácia, ne’ebé sei realiza estájiu iha FPM durante Fulan ida.

Atividade ne’e ho objetivu atu fó oportunidade ba estudante sira hodi hasa’e konhesimentu no abilidade prátika iha área farmásia no produtu médiku.

Iha abertura estajiu ne’e, FPM liu husi Diretora Ezekutiva hato’o boas-vindas ba estudante sira no husu atu estudante sira uza oportunidade ne’ebé iha atu aprende. Nia mos husu ba estudante sira tenki iha vontade aprende no importânte liu mak disiplina, étika profisional no responsabilidade durante hala’o estajiu. FPM reafirma mos nia kompromisu atu fó orientasaun no apoiu tékniku, hodi kontribui ba formasaun rekursu umanu kualifikadu ba dezenvolvimentu setór saúde iha Timor-Leste.