𝐃í𝐥𝐢, 02 𝐅𝐞𝐯𝐞𝐫𝐞𝐢𝐫𝐮 2026 — Institutu Nasional Farmásia no Produtu Médiku (FPM) hala’o Serimónia Isár Bandeira Nasional ba fulan Fevereiru iha Resintu FPM Rua Kampu Alor Dili Timor-Leste.

Serimónia ida-ne’e responsavel husi Gabinete Garantia Kontrolu Kualidade, hamutuk ho estudante estajiáriu sira husi Universidade Nasional Timor Lorosa’e (UNTL).

Iha okaziaun ne’e, Diretora Ezekutiva FPM mak sai nudar Inspetora ba Serimónia, ne’ebé lidera serimónia ho forma solene no ofisial.

Serimónia ne’e la'o ho Susesu no hetan partisipasaun massimu husi kargu Diresaun, Xefia, funsionáriu sira, no mos ekipa servisu limpeza no seguransa, inklui estajiáriu no voluntáriu sira, ne’ebé hala’o kna’ar iha FPM.

Serimónia Isár Bandeira Nasional ne’e hanesan momentu importante atu hametin sentidu nasionalizmu, patriotizmu no responsabilidade servisu públiku, no mos atu motiva funsionáriu sira FPM kontinua hala’o servisu ho di’ak no profissional ba populasaun Timor-Leste, liu-liu iha área farmásia no produtu médiku.