Díli, Kuarta-Feira, 09/09/2026: Diretora Ezekutiva Institutu Nasionál Farmásia no Produtus Médikus (INFPM), Sra. Paulina Mendonça Maher, S.E. akompaña husi Kargus Diretór sira ne'ebé tutela iha INFPM, halo enkontru rutina ho Diretora Ezekutiva Rejiaun Administrativu Espesiál Oe-Cusse Ambeno (RAEOA), Sra. Odete A. Martins, ho nia ekipa.

Enkontru ne'e ho objetivu atu ko'alia kona-ba asuntu servisu ne'ebé durante ne'e INFPM ho RAEOA implementa ona, no mós hodi diskute prioridade foun sira ba kooperasaun iha futuru.

Diskute Pedidu Emerjénsia no Distribuisaun Oksijéniu Iha enkontru ne'e, Diretora Ezekutiva RAEOA ho nia ekipa aprezenta sira-nia pedidu ba INFPM hodi halo kompras ba produtu médiku balun ne'ebé sira konsidera emerjénsia. RAEOA husu INFPM nia apoiu atu aselera prosesu kompras no fornese ba sira ho lalais.

Aleinde produtu médikus, RAEOA mós husu atu INFPM bele kontinua distribui oksijéniu ba sira. Pedidu ne'e ho objetivu atu garante katak RAEOA labele menus stok oksijéniu iha sira-nia fasilidade saúde, liu-liu hodi responde ba nesesidade pasiente sira.

Foka ba Asuntu Pagamentu no Distribuisaun Ai-moruk Regular Asuntu seluk ne'ebé mós diskute mak kona-ba pagamentu ba ai-moruk regular. INFPM informa katak distribuisaun ba RAEOA hala'o ona. Tanba ne'e, INFPM husu ba RAEOA atu rekolia ona invoice sira no halo pedidu formál, nune'e prosesu pagamentu ba distribuisaun ai-moruk regular ne'ebé INFPM halo ona bele la'o ho di'ak.

Diretora Ezekutiva INFPM reafirma INFPM nia kompromisu atu kontinua servisu hamutuk ho RAEOA hodi asegura asesu ba produtu médiku, ai-moruk no ekipamentu saúde ne'ebé ho kualidade ba komunidade iha Rejiaun Oe-Cusse.

Asuntu sira ne'e maka INFPM ho RAEOA diskute kle'an iha enkontru.