DÍLI, 30/09/2026 – Diretór Ezekutivu Interinu Institutu Nasionál Farmásia no Produtu Médiku (INFPM), Enf. Domingos Afonso, ne'ebé akumula mós knaar nu'udar Diretór Diresaun Administrasaun, Planeamentu, Finansas no Rekursu Umanu, partisipa iha serimónia abertura ba Saint Vincent Medical Center.

Klinika Saint Vincent Medical Center ne'e lokaliza iha Maloa, Suku Bairro Pite, Postu Administrativu Dom Aleixo, Munisípiu Díli.

Klinika ne'e inaugura tiha ona iha fulan hirak liubá no ohin loron, ofisialmente loke ona ba públiku hodi fó atendimentu ba maluk sira ne'ebé presiza halo tratamentu.

Ho abertura klínika foun ne'e, hein katak bele hakmaan atendimentu saúde ba povu ne'ebé presiza no kontribui ba dezenvolvimentu setór saúde iha Timor-Leste.

Partisipa iha atividade ne'e, Sua Eminencia Cardeál Dom Virgílio do Carmo da Silva, Reprezentante Governu, Padre, Madre no mós entidade relevante sira.