Díli, 09/09/2026: Diálogu Komité Rejionál ba dala-79 Organizasaun Mundiál da Saúde (OMS-WHO) ba Rejiaun Sudeste Aziátiku, ne'ebé realiza iha Díli, Timor-Leste, ohin tama ona ba loron da Tolu.

Diretora Ezekutiva Institutu Nasionál Farmásia no Produtus Médikus (INFPM), Sra. Paulina Mendonça Maher, S.E., hamutuk ho Kargus Diretór sira ne'ebé tutela iha Ministériu Saúde kontinua partisipa iha diálogu loron da-tolu ne'e, hodi rona no diskute konaba progresu no Desafiu iha TL, nomos husi nasaun sira seluk.

Diálogu importante ne'e, realiza iha Hotel Palm Spring, no lidera direitamente husi, Excia Ministériu da Saúde, Dra. Élia dos Reis Amaral SH, Akonpania husi membru Delegasaun sira.

Diálogu ne'e, delegasaun husi nasaun 11 ne'ebé sai membru iha Rejiaun Sudeste Aziátiku, kontinua , aprezenta sira-nia progresu no mós dezafiu balun, iha sira-nia nasaun foka liu ba setór saúde.

Iha oportunidade nee, Kargus Diretór sira ne'ebé tutela iha Ministériu Saúde mós, aprezenta progresu no dezafiu balun ne'ebé oras ne'e dadaun TL hasoru.

Iha loron da-tolu ne'e, diskusaun konaba oinsá atu transforma dezafiu sira ne'e ba asaun konkreta. Delegasaun sira fahe prátika di'ak kona-ba jestaun forsa servisu saúde, dijitalizasaun sistema saúde, no oinsá atu garante asesu ba medisina ne'ebé seguru no ho kualidade iha komunidade hotu.

Parseria sai Xave ba futuru Saúde Rejionál no Partisipasaun Timor-Leste iha forum ida ne'e hatudu nasaun nia vontade atu aprende no kontribui ba rejiaun. Liu husi kooperasaun ho parseiru dezenvolvimentu no nasaun membru sira seluk.