DÍLI, 10/09/2026: Institutu Nasionál Farmásia no Produtus Médikus (INFPM) ofisiál simu entrega produtu kontraseptivu no medikamentus esensiál ba saúde materna hosi UNFPA Serimónia ne'e realiza iha edifísiu INFPM, Kampung Alor, Díli.

Produtu sira ne'e entrega diretamente hosi Diretór Rejionál a.i. UNFPA ba Ázia no Pasífiku, Dr. Aleksandar Sasha Bodiroza, ba INFPM.

Iha nia diskursu, Diretora Ezekutiva INFPM, Sra. Paulina Mendonça Maher, S.E. hato'o agradese ba UNFPA hanesan parseiru ne'ebé fó ona nia apoiu ba Governu Timor-Leste. Produtu sira hanesan nee, injesaun, implant, pil no produtu reprodutivu seluk sei garante disponibilidade servisu esensiál ba feto, adolescente no família sira iha Timor-Leste tomak, tanba nee agradese no apresiasi tebes ba apoiu husi Parseiru Dezemvolvimentu sira.

Foku ba Jestaun no Transizaun Nasionál, Diretora Ezekutiva subliña katak knaar INFPM la'ós de'it simu produtu, maibé mós asegura armazenamentu seguru no distribuisaun tuir tempu to'o ba fasilidade saúde sira.

Nia mós hateten katak Timor-Leste tama ona ba faze transizaun hodi aumenta-ownership-nasionál. Governu investe ona besik US$1.6 millaun liu husi Third-Party Procurement (TPP), no UNFPA apoiu tan ho US$2.3 millaun liu husi Match Fund. Total hamutuk US$3.9 millaun.

INFPM kompromete atu dezenvolve Planu Tranzisaun antes Dezembru 2026 no hametin sistema įestaun, inventáriu, no distribuisaun hodi asegura katak 'produtu loos iha fasilidade loos, iha tempu loos."